THE STAG PARTY GIFT
NAGTATAKA SI ZENNA nang pagdating ni Matthew tila pagod ba pagod at wala itong gana. Hindi rin ito umiimik. Ano ba’ng problema nito? Hindi ba ito nag-enjoy sa Bachelor Party na inihanda ng mga pinsan nito sa Villa Dolores na pag-aari ni Rhaim?
Ni hindi siya nito pinansin pagdating. Dumeretso ito agad sa silid nila at agad na naligo. Ilang oras na rin itong nasa loob ng banyo at mukhang di pa tapos maligo.
Isang araw lang at akala mo naman masyado nang makapal ang libag sa katawan nito kung makapagbabad sa shower.
“ Matthew, hindi ka pa ba tapos diyan? ” Malakas niyang kinalampag ang pinto ng banyo para marinig nito.
Hindi ito sumasagot, pero naririnig niya ang lagaslas ng tubig mula sa dutsa. Naghintay siya ng ilang sandali, at sa wakas ay tumigil na ang tunog ng s
