Hindi maipinta ang mukha ni Matthew dahil sa ingay ng mga pinsan niya. Nabibingi siya sa mga ito. Wala siya sa mood. Hindi bukal sa kalooban niya ang sumama sa mga pinsan para sa Bachelor Party na inihanda ng mga ito para sa kaniya. Alam niya kasing may mga kabulastugan na namang gagawin ang mga ito.
Ayos lang naman sa kaniya kung inuman lang. Pero imposibleng mangyari iyon kapag ang mga damuhong mga pinsan ang naghanda. Siguradong may mga babae.
“ Matt, bakit ang tahimik mo diyan? Para sa iyo ang party na ito kaya dapat mag-enjoy ka. Isang buwan na lang, kasal mo na, ” untag ni Markus nang mapansin ang pagkakatulala niya.
“ Hindi ako sang-ayon sa Stag Party na ito, Markus. Lalo at kayo ang nagplano. ”
Tumawang bigla si Kiel.
“ Huwag ka namang ganyan, Matthew. Mag-thank you ka m
