KYLE POV.
NAKATAYO ako sa malawak na bakuran ng mansion Poster. Nakamasid lang ako sa magkapatid na naroon sa garden. Hindi ako mapalagay dahil sa kakaisip sa bunso naming anak. Alam kong ginagalit lang ako ni Zoey, upang sabihin sa akin na hindi ko iyon anak.
Maaaring gumaganti siya upang pasakitan din ako dahil sa mga nagawa ko sa kanya noon.
“Kyle, sumunod ka sa akin sa library at may mahalaga tayong pag-uusapan.”
Maautoridad na utos sa akin ni Lola Claudia. Kaya humakbang na ako at sinabayan siya papasok sa loob. Binalewala ko na lamang na hindi ko napapansin sa paligid si Zoey. Magmula pa kaninang pag-gising ko ay wala yata siya sa loob ng mansion.
Pagpasok namin sa loob ng library at inutusan niya akong maupo sa harapan niya.
“Ano pang information na dapat kong malaman, Kyle?
