"Mahal hanggang ngayon hindi pa rin ako makapaniwalang yakap-yakap kita, habang pinagmamasdan naman ang mga anak nating nahihimbing sa pagtulog," nakangiting wika ni Ace habang nakayakap kay Sailor mula sa likuran.
Nasa kani-kanilang crib ang triplets at himbing na himbing sa pagtulog. Taliwas sa mga gabing halos pahirapan siya dahil umiiyak ang mga ito, mabuti na lamang palaging nakaalalay sa kanya ang kanyang Mommy Liza at Daddy Vlad. Marahil ramdam ng mga ito ang presensya ng ama ng mga ito kaya himbing na himbing sa pagtulog. Humarap siya dito at humilig sa malambot nitong dibdib, dati kasi matipuno iyon. Damang-dama niya ang katigasan at kakisigan niyon pero ngayon kasi mataba na ito pero wala naman iyon sa kanya. Mas minahal pa nga niya ito lalo na ng malaman niyang siya pala ang
