Isang buwan matapos ang binyag ng kanilang mga anak, ang first birthday naman ng mga ito ang idinaos sa bahay naman nina Zion. Naging masaya ang lahat, parang kaylan lang kakapanganak pa lang ni Sailor sa mga ito pero ngayon isang taon na agad ang nakalipas. Kaninang nagtungo sila sa simbahan para isimba ang tatlo hindi niya napigilan ang hindi maluha dahil sa kaligayahan. Taimtim siyang nanalangin sa Panginoon, lubos siyang nagpapasalamat dito dahil sa kabutihan nito sa kanila. Sobrang dami ng kanilang pinagdaanan ni Ace pero heto at sa huli naging matatag sila para sa kanilang mga anak. Nagpapasalamat din siya dito dahil sa pagabay nito sa kanila at dahil na rin hindi nito pinahintulot na tuluyan na silang magkalayo ni Ace.
Dalawang linggo matapos ang pagdaos ng first birthday ng kamba
