CHAPTER 27:
NAPANSIN NI ANDREW NA HINDI MAGANDA ANG MOOD KO. Mabuti naman at napansin niya dahil mas lalo akong maiinis kung hindi niya mapapansin.
Hindi ko gusto na hindi niya na-appreciate itong pagpapaganda ko para sa kaniya. Ngayon nga lang ako nag-effort nang ganito tapos hindi manlang niya ako pinuri. Akala ko pa naman pupurihin niya ako.
"Bakit ka ba kasi nakabusangot d'yan? Mukhang hindi ka yata masayang umuwi ako," aniya.
Bumusangot pa ako lalo habang nanunuod ng TV. Pumasok na si tita Yolly sa kwarto niya dahil matutulog na siya. Alas syete pa lang kasi ay natutulog na 'yon dahil sanay siyang magising ng madaling araw. Kapag nakulangan siya ng tulog, masakit ang ulo niya sa magdamag.
"Ano nga kasi 'yon? Huwag mo naman akong gawing manghuhula, yeobo. . ." Yumakap siya sa bewa
