HALOS magdilim na ang vision ni Nigito nang tumama nang direkta sa kanya ang unang Firebolt ni Lord Skull. Nasa critical level na rin kaagad ang kanyang HP dahil doon. Napakalayo ng itinalsik niya. Bumaon ang katawan niya sa lupang humaharang sa buong village.
Napaubo siya. May lumabas na dugo mula roon. Nilalabanan niyang makaramdam ng sakit. Ngunit nang mga sandaling iyon, hindi niya magawa. Kumikirot ang halos buo niyang katawan. Nasunog ang halos kabuuan ng kanyang pantaas na kasuotan at nararamdaman niya ang labis na hapdi na dulot ng apoy ng kalaban.
"Ka...tapusan ko n...na b...ba?"
Pinilit ni Nigito na gumalaw ngunit wala. Hindi sumunod ang kanyang mga bisig. Namamanhid ito sa sakit. Ang kanyang dalawang espada'y nalaglag na rin nga sa ibaba dahil hindi na niya iyon nahawakan nan
