UMALINGAWNGAW sa buong wasak na Ayers Village ang malakas na hiyawan at sigawan. Nagmula ito sa mga members ng Shadow Guild. Dahil sa pagkatalo ni Lord Skull ay nawalan din ng bisa ang Collar na nasa leeg nila. Ibig-sabihin, malaya na sila.
"Sa wakas! Tapos na ang pagsisilbi ko sa Shadows!" sigaw ng isang matipunong player na tila maiiyak sa saya.
May ilang mga players rin ang dati pang magkakakilala. Nagyakapan sila at masayang-masaya. Makalipas ang mahabang panahon ay sa wakas, may pagkakataon na muli silang makita uli ang liwanag sa labas ng Ayers Wall.
"Maiipagpatuloy na natin ang ating questing! Hindi ako makapaniwala... may nakatalo kay Lord Skull!" sabi ng isa sa mga ito.
Samantala, muling nakapag-heal si Zac. May dilim ang mga mata nito habang nakangisi ng bahagya. Napasulyap i
