HABANG nilalakbay nina Nigito at Prinsesa Hanna ang Bundok ng Everlast ay napapansin nila na ang mga puno ay halos puro mga puno na ng Sakura. Napakagandang pagmasdan nito habang kanilang nilalampasan. Nagkalat din sa lupa ang mga bulaklak na dahon nito na nilipad ng hangin mula sa mga puno nito.
Isang napakagandang imahe. Napakaganda sa mata. Parang isang panaginip. Isang imahe na imposible nang makita sa real world kung saan karamihan na ng lugar ay halos puro mga bahayan at mga gusali na.
"A-ang ganda..." Ito na lamang ang nasabi ni Hanna nang biglang humangin nang malakas at nagsibagsakan ang mga pula at pink na dahon ng mga puno.
Si Nigito ay seryosong pinagmamasdan iyon. Napakaganda nga. Parang nakakagaan ng pakiramdam. Sino ang mag-aakalang makikita niya ang ganitong eksena na ta
