ISANG biglaang pagpupulong ang ipinatawag ng mga Board of Trustees ng Nigimoto Company. Iyon ay sa kadahilanang may isang hindi inaasahang pangyayari ang naganap matapos nilang i-release ang unang 1000 copies ng HQO Kits sa publiko. Isang walong taong gulang na bata ang sumubok na maglaro nito subalit hindi kinaya ng utak nito ang signals na inilalabas ng head gear. Iyon ang naging mitsa sa kamatayan nito matapos na sumabog iyon mismo sa munti nitong ulo.
Ang pagbibigay ng pera sa namatayang pamilya ang naiisip nilang solusyon. Iyon ay upang 'di na rin kumalat sa media ang nangyaring iyon. Pero biglang nagbago ang isip ni Naka nang mabasa ang pangalan ng bata.
"Xenrix Garcia..."
Tila kidlat na tumama sa alaala ni Naka ang isang kaibigang biglang nawala. Hindi siya sigurado kung may kina
