Chapter 134
"Ano ka ba, hindi nga ako gagawa ng ikakapahamak ko. Nagtatanong lang ako kasi nagtataka lang ako," sagot ni Leila kay Bathseba na inikutan lang siya ng mata. Alam niya kapag gano'n si Bathseba. Kahit anong minuto ay maaari na itong mainis sa kaniya. Sa ilang taon nilang pagsasama, alam na niya kung ano ang ugali nito. Mas matanda si Bathseba sa kaniya ng ilang taon ngunit ang trato nila sa isa't isa ay magkapareha lamang dahil mas angat ang turingan nila bilang magkaibigan. "Huwag mo akong niloloko. Anong nagtataka ka? Saan ka nagtataka at baka alam ko ang sagot," sabi ni Bathseba bago muling sumubo ng kaniya ng pagkain. Saglit na tumahimik si Leila habang naririnig sa kaniyang paligidang malakas na tugtugin at tawanan ng mga kawal ng hari sa loob ng taberna. Buong araw hanggang sa
- Writer
