“Doon tayo! Mayroon akong nakitang magandang bag na kakalalabas lang noong isang araw,” masiglang ani Amori habang hinihila kami papasok sa isang store.
Kanina pa kaming nag-iikot dito sa Clayhaven at puro sa tindahan ng mga pambabaeng damit kami napupunta. At ngayon nga ay papasok naman kami sa tindahan ng mga bag.
“This is what I want!” Nangislap ang mata ni Amori nang makita ang tinutukoy. Mabilis niyang kinuha ang isang pink crossbody bag. Iniharap niya ito sa amin at tuwang-tuwang ipinakita.
“It is cute, right?” Tumango ako at ngumiti. She likes girly thing and that suits her well.
Nagkani-kaniya ring tingin ang mga kasama ko. Ang daming bag na pagpipilian pero wala akong magustuhan. Lumapit ako kay Elizabeth na hawak ang isang kulay pula na sling bag.
