Luna’s PoV
HUMANAP ako ng magandang tiyempo bago magtungo sa likod bahay ni Dean. Alas onse y medya na ng gabi at tulog na ang mga kasambahay ni Dean. Kaninang tanghali habang wala akong ginagawa ay nagpasya akong humanap ng daan sa likod ng bahay ni Dean. Mataas ang pader sa likod ng bahay nito ngunit may malaking puno ng mangga. Hawak ko ang lubid na may hook. Inihagis ko iyon sa sanga ng puno ng mangga para magawa kong sabitan. Hahawakan ko lang ang lubid ‘tsaka ako aakyat dahan-dahan.
Ginawan ko na rin ng paraan ang mga CCTV sa likod ng bahay ni Dean. Sinadya kong i-off ang electric power kanina kaya naman nagawa kong ibahin ang direksyon ng mga iyon na hindi ako makikita kapag nagtungo ako sa may kinaroroon ng mangga. Upang hindi mahalata na wala ako ay binihisan ko ang unan ko at i
