HINAWI ni Violet ang kamay ni Attorney Grant Zamora na nakaalalay sa kaniya bago siya tuluyang humakbang patungo kay Dashiel. Naguguluhang tumingin siya rito at kay Attorney Perez. Katulad niya ay wala nang maskarang suot ang dalawa.
Sinalakay siya ng matinding kaba. Noong isang araw lang ay tinatanong siya ng abogado kung kilala niya ang may-ari ng YZ Holdings. Ngayon naman ay inabutan niyang nagtatalo ang dalawa at kasama sa pinagtatalunan ng mga ito ang pagkakasapi ni Dashiel sa Mafia. Dinig na dinig din ni Violet ang mga sinabi ni Dashiel na siya ang dahilan kaya ito umanib sa grupo. Para hanapin siya.
"Tama ba ang narinig ko? Tama ba ang pagkakaintindi ko na ako ang dahilan kaya ka sumapi sa maduming grupo na 'yan?"
Imbes na sumagot, iba ang binigkas ng mga labi ni Dashiel. “You
