BINUKSAN ni Morgan ang pinto ng backseat para kay Violet. Sandali pang nag-atubili sa pagsakay ang dalaga, pero sa huli ay pumasok na rin siya sa kotse ni Dashiel. Agad sumarado ang pinto. Tiningnan niya ang nilalang na prenteng nakaupo sa kabilang dulo ng upuan.
"A-anong kailangan mo?" tanong ng dalaga. "Bakit hinihintay mo'ko?"
Hindi siya sinagot ng binata. Sinenyasan lang nito ang driver na paandarin na ang sasakyan.
Napatingin siya sa kalsada. "Ihahatid mo ba'ko sa'min?" Iyon ang gusto niyang isipin, subalit sa kaloob-looban niya, mas gusto niyang magtungo sila sa kahit saang lugar na magkasama. Miss na miss na niya si Dashiel.
Nanatiling tahimik ang katabi niya. Nilingon niya ito at pinagmasdan ang matitigas na linya ng gwapo nitong mukha. Hindi niya alam kung ano bang dapat ma
