NATULALA si Violet matapos marinig ang pag-amin ni Dashiel. Oo, may pakiramdam na siya. Ang totoo, hinihintay lang niya na si Dashiel mismo ang magsabi. Ang hindi lang niya inaasahan, na ganoon pala kaseryoso at kalaki.
Mafia Prince? Ibig sabihin ay isa si Dashiel sa mga namumuno ng grupo? Ng isang organisasyong labag sa batas ang mga gawain at transaksiyon.
Hindi makapaniwala ang dalaga. Bagaman may palagay na siya, para pa rin siyang nabingi sa narinig na rebelasyon ng binata. Hindi niya matanggap. Hindi matanggap ng puso niya. Her ideal man. Ang pinakamabait at pinakamaunawaing tao na nakilala niya buhat pa noon, isa nang miyembro ng Mafia? At hindi lang basta miyembro dahil nasa mataas na katungkulan pa ito. Paano nangyari 'yon?
Hindi na niya namalayan ang pagbukal ng mga luha. Un
