"Wag po kuya maawa na po kayo! Hinahanap na po ako ng nanay ko! Ano po ba ang gagawin ninyo sa akin, pakawalan niyo po ako!" pagmamakaawa ng babaeng una nilang naging bihag, mismong si Zandro ang nakahuli sa babae.
Biglang natigilan ang babae ng napatingin sa kanya masinagan si Zandro ng liwanag ng buwan. Kunot noo naman siyang nakatingin lamang din dito.
"Zandro kumpleto na, ano tama na ba itong tatlo o dagdag na naman tayo ng isa? Okey na siguro ito, ang tatlo naman ay sapat na para sa pagkain nila," wika ng isa niyang kasamahan.
"Mga walang hiya wala ba kayong mga kapatid? Wala ba kayong nanay? Bakit niyo kami ginaganito?! Ikaw ba, wala ka bang kapatid na babae kaya hindi ka man lamang nakokonsensya! Sumagot ka, kilala kita, taga Sitio Sinakulo ka! Hindi mo na ba ako nakikilala?! A
