Agad na lumapit si Minerva sa anak kahit na hirap na hirap ito. Bumitaw na naman sa pagkakayakap dito si Lyka at hinayaang si Minerva ang yumakap sa anak.
"P-Panginoon ko hindi po siya kakaiba katulad lang din po siya ng iyong mga binuhay na alagad kaya lang bata pa po siya kaya marahil medyo kakaiba siya sa lahat ng binuhay mo. Hayaan mo po sana na makapiling ko siya sa lupa at wala na rin po ang aking asawa, pinatay ng walang kwenta ninyong alagad na si Melvin!" pakiusap ng ina ni Mira.
"Huh! Huwag kayong maniwala diyan aking panginoon, makapangyarihan ang batang iyan dahil siya nga ang may kagagawan ng aking ilang araw na pagkawala at ito ngang tiyan ko ang patunay na hindi siya normal na katulad namin mga alagad mo. Nagawa niyang saktan ako na kahit sinong normal na tao ay hindi na
