"Tita Danda..."
Mabilis na napabitaw sa isa't isa sina Nicolas at Kan nang marinig nila ang pagtawag sa kaniya ni Baby Nicole. Sabay pa silang napalingon dito at nakita nilang kinakapa-kapa nito ang puwesto niya sa higaan. At nang wala itong mahawakan ay bigla itong umungot. Pero bago pa man ito tuluyang umiyak ay mabilis na niyang tinalikuran si Nicolas para lapitan ang bata. Sumampa siya sa kama at humiga agad sa tabi nito.
"Ssshh... Back to sleep na, baby. Tita Danda is here..." Maingat niyang niyapos si Baby Nicole at sinimulang tapik-tapikin nang mabini ang puwitan nito. At saka siya nag-hum dahil pampatulog din nito iyon. Yumakap din sa kaniya ang maliit na braso nito. Saka lang muling nahimbing ang bata.
"Akala ko nagutom," narinig niyang pabulong na wika ni Nicolas.
Naramdam
