"So kailan ang balak n'yong magpakasal sa simbahan?" tanong ni Papa Nicolo habang kumakain na sila. "You know, para ma-invite naman natin lahat ng mga kaibigan natin. At maipakilala na rin natin sa lahat ang mag-ina mo." Binalingan nito si Nicolas. "Especially ang Lolo at Lola mo."
Saglit na natigilan si Kan at bahagyang kumunot ang kaniyang noo nang mapansin niya na parang may ibang laman ang pagkakabanggit ng biyenan niyang lalaki sa mga magulang nito. Makahulugan din ang tingin na ipinukol nito sa anak. At nang nagkatinginan sila ni Nicolas ay kapansin-pansin ang pag-iwas nito ng tingin. Pati na rin ang makahulugan na pagsulyap nito sa ina at sa mga kapatid.
Ano kaya iyon at parang hindi gusto ni Kan ang pakiramdam niya?
"At para maimbitihan din ni Kan lahat ng mga kaibigan at kama
