53-68.
SERYOSONG bumalik sa loob ng court si Ricky. Tanging ang pagbawi kay Ibañez ang nasa isip niya. Ayaw niyang matapos ang game na ito na hindi niya ito natatalo. Ayaw niyang matalo sa taong ito! Sisiguruhin niyang sa oras na matapos ang game ay matatalo niya ito.
Nagpatuloy na ngang muli ang game at sa CISA ang possession ng bola. Nanatiling maingay rin ang loob ng court dahil sa walang tigil na cheer mula sa CU supporters.
Pagkasambot ni Kier sa bola ay seryoso niyang pinagmasdan si Ricky na binabantayan na ni Ibañez. Naalala niya ang pagpupursige nitong maglaro ng basketball kahit hindi pa marunong. Naalala niya ang mga laro kung saan ay ginigising nito ang laro nila kapag tila matatalo na.
Alam ni Kier na tao lang din si Ricky. Isa pa, kung totoo man na si Ibañez ang may pakana
