KINABUKASAN, matapos ang laban ng CISA sa SA ay pumasok na rin si Ricky. Nakasaklay siya upang alalayan ang kaliwa niyang paa. Naalala nga niyang sinabi naman ng doktor na ilang araw lang ay makakalakad na rin siya nang walang alalay gaya nito, ngunit pinagbawalan muna siyang gumawa ng mga bagay na magbibigay pressure sa kanyang paa kagaya ng pagtakbo-- na madalas niyang ginagawa sa umaga.
Pagdating niya sa CISA ay napansin kaagad siya ng mga kapwa niya estudyante at parang naiilang siya na may mga nagche-cheer sa kanya na siya raw ay magpagaling. Na siya raw ay magpahinga para sa semis.
"Idol Mendez! Sana gumaling na ang paa mo! Excited na kaming mapanood ka sa semis!" Masiglang winika ng isang grupo ng mga kalalakihang estudyante sa paaralan niya.
Napakaraming papuri at pagpapalakas n
