Hindi makakilos si Carlota sa kanyang kinatatayuan dahil hindi siya makapaniwala sa natuklasan. Si Solomon na kilala niya bilang isang driver ng truck ay walang iba kundi ang nag-iisang anak ng pinaka mayaman na pamilya sa kanilang lugar. Ang pamilya ng Montilla. Papaanong hindi niya nahalata na niloloko lang pala siya ni Solomon. Hindi niya alam kung ano ang nararamdaman ng mga sandaling iyon pero iisa lamang ang tumatak sa kanyang isipan, na niloko siya ni Solomon at ng pamilya nito.
Maging Si Jepoy ay gulat na gulat din hindi man lang ito nakapagsalita ng makita si Solomon. Nanatiling nakaawang lamang ang bibig nito at nanlalaki pa ang mga mata nito habang nakatingin sa lalaking kararating lang.
"Magkakilala po kayo Senyorito?" tanong ng isang kasambahay na kanina ay masungit sa kan
