"Gusto ko si Carlota anak, tama nga na siya ang napili mo." masayang pahayag ng Mama ni Solomon sa kanya, lulan na sila ng kotse pauwi.
Nais pa nga sana niyang manatili sa bahay nina Carlota pero nakakahiya na sa mga magulang nito tsaka alam niya na mag-usap usap ang mga ito lalo na ang nanay at tatay ni Carlota.
"Thanks Ma, alam ko naman na magugustuhan ninyo siya kahit noon pang una ko siyang makita. May pagkakaparehas kasi kayo Ma, parehas kayong kuripot," tumatawang wika niya sa ina.
"Aba at pasaway na bata ito, talagang iyong pagiging kuripot pa namin ang napansin mo pwede namang parehas kaming maganda," palatak ng Mama niya.
"Magaling lang talaga kaming pumili ng anak mo honey, saan pa ba magmamana iyan kundi sa akin. Parehas na kuripot, maganda at madiskarte sa buhay ang nap
