Naalimpungatan si Carlota sa mabining haplos sa kanyang pisngi. Dahan-dahan siyang nagmulat ng mata at unang nabungaran niya ang mukha ni Solomon habang nakatunghay sa kanya.
"N-Nasaan ako?" takang tanong niya dahil inilibot niya ang kanyang mga mata ay natuklasan niya na sa ibang silid siya.
"Nasa ospital ka Carlota, nawalan ka ng malay kanina kaya itinakbo ka dito sa hospita. Mabuti na lamang nandoon na iyong catering service kaya naitakbo ka kaagad nila dito. Pero wala naman tayong dapat ipag-alala dahil sabi nga ng doktor ay mukhang hindi ka daw yata nakatulog kagabi at isa pa masyado ka daw yata ng nagpapapagod kaya naman hindi na kinaya ng katawan mo. Iyang mga sugat at pasa mo ay malapit na rin naman daw maghilom. Kailangan mo lang daw uminom ng vitamins at kumain ng masusustans
