"Wow! Ang laki naman ng room na ito Solomon!" bulalas ni Jessica, sinamahan niya ito sa silid nito. Bakas sa mukha nito ang matinding paghanga sa silid.
Ipinasya niyang sa karatig room niya ito patuluyin, kailangan niyang mabantayan ito. Ibang tao ito at hindi niya alam ang tunay nitong pagkatao, mahirap na.
"Matulog ka na, papasamahan kita sa isa naming driver para maghanap ng mauupahan diyan sa bayan," wika niya dito.
"Ay talaga, ayiiiee kilig naman ako. Napakabait talaga ni Mamang pogi oh!" tila kinikilig na wika nito.
Sinimangutan lamang niya ito at tuluyan ng tumalikod.
"Good night lover boy!" pahabol pa nito pero di na niya pinansin.
Ibang kahungkagan nanaman ang kanyang nadama ng makapasok siya sa silid nila ni Carlota. Lalo na at nandoon ang malaking wedding portrait ni
