"Wow! Napakaganda naman po dito!" bulalas ni Katrina habang masayang tumatakbo na nakadipa ang dalawang kamay palapit ito sa side na kitang-kita ang kalawakan ng dagat.
Kasunod nito si CJ na tuwang-tuwa naman dahil sa malawak na karagatan na natatanaw nila.
"Napakaganda na pala talaga dito anak. Dati umaakyat kami ng Lolo mo para bisitahin ang mga kalabaw niya diyan sa karatig bundok na iyan. Iyan kasi ang toril ng iyong lolo noong nabubuhay pa. Hindi ko akalain na magiging tourist spot pala ito. Tingnan mo napakaraming tao pero ang nakakatuwa lang napapanatili ang kalinisan at kaayusan ng kapaligiran," malawak ang pagkakangiting wika naman ng kanyang Itay.
Mahirap lamang ang daan patungo sa binurong point, pero sulit naman kapag nakarating ka sa mismong lugar. Talagang napakaganda a
