AGATHA
Pinakinggan ko ang mga paliwanag Zi tungkol sa nangyari noon. Nararamdaman ko sa bawat bigkas ng labi niya tungkol sa masakit na pangyayari noon na abot hanggang langit ang galit niya sa mga Madrigal.
Sa bawat masasakit na akusasyon na sinasabi niya ay para bang napakasama nang angkan ng lalaking pinakasalan ko.
Tama siya, kahit bata pa ako, matalino ako at hindi ako basta magpapadala sa mga naririnig ko. Hindi ako p'wedeng basta na lang gumawa ng desisyon na hindi nakakausap si Draven at nalalaman kung ano ang side ng pamilya niya.
Hanggang ngayon, malinaw pa sa alaala ko kung paano ko nakita ang maayos na pagsasama ng mag-asawang nagpalaki sa akin sa Zambales. Akala ko talaga, sila ang mga magulang ko. Kahit minsan kasi, hindi nila ipinaramdam sa akin na ampon lamang pala ak
