AGATHA
Tahimik ang naging byahe namin hanggang makarating kami sa isa sa mga matataas na building na pag-aari ng pamilya ni Declan dito sa Global City.
"Ma'am Agatha, dito po ang opisina ni boss," sabi ni Brady na alam kong nakikiramdam sa kung ano ang posibleng mangyayari.
Bumaba agad ako ng tumigil ang sasakyang sinasakyan namin. Hindi ko na hinintay na pagbuksan ako ng mga kasama ko. Malaki ang mga hakbang na pumasok ako sa lobby, kasunod si Brady at ang ilang tauhan ni Draven.
"How can I help you, ma'am?" magalang na tanong sa akin ng matangkad na babaeng nasa front desk.
"Gusto kong makausap si Draven Madrigal," seryoso at pormal na sagot ko.
"May appointment po ba kayo sa kanya, ma'am?" muling tanong ng babae, pero umiling ako at maikling 'wala' lamang ang sinagot ko.
"I'm so
