AGATHA
"Hello?" Maikling salitang nasabi ko ng sagutin ko ang tawag ng taong nasa kabilang linya.
"What is your actual plan now, Agatha?" walang paligoy-ligoy at agad na tanong ni Zi.
"Wala," tipid na sagot ko.
"What? Hindi kita pinayagang bumalik d'yan para magliwaliw, Agatha," matigas na sabi ni Zi na hindi maitago ang pagkairita sa tinig dahil sa naging sagot ko.
"Nakalimutan mo na ba agad kung anong pinag-usapan natin at kung bakit nariyan ka?" tanong pa ni Zi, kaya hindi ako nakatiis at sinagot ko siya.
"Hindi ko rin sinabi sa iyo na gagawin ko ang gusto mo, Zi," seryoso at matigas na sagot ko.
Hindi ko pa alam kung ano ang totoong nangyari noon. Bumalik ako dito para malaman ang mga kasagutan sa lahat ng tanong ko. Gusto kong makausap ang ama ni Draven at si Mr. Madrigal mismo
