SOFIA
Walang nagawa si Chase nang umalis ako sa safehouse, sakay ng itim na Range Rover, kasama ang isang driver na siyang naghatid sa akin dito sa hotel.
Maaga pa lang ay umalis na ako para personal na makapaghanda dahil gusto kong makita mismo ng mga mata ko ang lugar na magiging posisyon ko mamaya, para makahanap ako ng safe at magandang spots na pupwestuhan ko.
Dala ang mahabang baril na gagamitin ko, mabilis ang kilos na umakyat ako sa lugar na pakay ko.
Sa rooftop ng hotel ako dinala ng mga paa ko. Tamang-tama ito dahil kitang-kita ko ang kabilang building kung saan gaganapin ang event mamaya para sa auction ng mga mamahaling alahas na koleksyon ni Zion San Francisco.
Alam kong front lamang ang auction dahil ang pangunahing layunin talaga ni Zion ay makakuha ng suporta para sa k
