SOFIA
“Ano'ng kaguluhan ang nangyayari dito?”
Natigil sa ere ang kamao ko, na dapat sana ay tatama sa sikmura ni Aidan nang marinig ko ang malakas na tinig ni Lolo Sabby, kasabay ng pagbagsak ng nagsarang pintuan.
Nagkatinginan kaming dalawa ni Aidan. Samantalang si Draven naman ay napatayo ng tuwid.
“Good morning po, Lolo Sabby!” malakas na bati ni Draven sa dating pinuno ng Magna El Cajon.
Mabilis na tumayo na rin si Aidan sa harap ko pero sinamaan ko siya ng tingin. Inis na sinipa ng kanang paa ko sa binti niya bago ko hinarap si Lolo Sabby sa gitna.
“Wala bang magpapaliwanag sa inyo kung ano'ng nangyayari dito?” matigas na tanong ni Lolo Sabby sa amin.
“Naglalaro lang po kami ni Sofie, Lolo Sabby,” mabilis na pagsisinungaling ni Aidan.
Inikutan ko siya ng mga mata pero agad a
