SOFIA
“Nasagot ko na ang tanong mo, Sofia,” sabi ni Lolo Sabby sa akin.
Gusto ko pa sanang magtanong, pero nawalan ako ng pagkakataon dahil nakita kong palapit sa amin si Lola Acally.
“Makapag-usap na ba kayong dalawa?” tanong agad nito sa amin ni Lolo Sabby.
Ngumiti naman agad ang matandang kaharap ko at sinagot ang tanong ng kaniyang asawa.
“Oo, tapos na.”
“Mabuti kung ganoon. Halika na kayo at handa na ang hapag,” yaya sa amin ni Lola Acally.
Bilang respeto sa kaniya ay hindi ako tumanggi sa alok ni Lola Acally. Naabutan kong nakaupo na si Aryan at hinihintay kaming pumunta dito sa dining room.
“Mabuti at pumunta kayo dito para naman makasalo namin kayo, at matagal na nang huli kayong dumalaw dito sa amin,” bakas ang saya sa tinig na sinabi sa amin ni Lola Acally.
Malambing tal
