“Uhm, may mali ba akong nasabi?”
Pagkaraan ng ilang minutong katahimikan ay ako na rin ang bumasag nito. Nagsalita na ako dahil hindi ko matagalan na sobrang tahimik nila na para bang may hindi kaaya-ayang narinig mula sa akin.
Sumulyap din ako kay Caleb na nasa aking tabi. Katulad ng mga kasama namin ay tahimik din siya at nakatingin lang sa kamay namin na magkahawak. Hindi ko alam kung bakit kinakabahan ako. Naramdaman yata ni Caleb na nakatingin ako sa kanya kaya nag-angat siya ng ulo.
Napabuga siya ng hangin at pagkaraan ay marahang umiling. “You didn’t say anything wrong, baby. Don’t worry…” Inilapit niya ang aking kamay sa kanyang labi para kintalan iyon ng isang halik.
Napatango na lang ako at ngumiti sa kanya. Siguro masyado lang akong nag-iisip. Wala namang ibig sabihin ang
