"Wait," aniya.
"Why?" tanong ko. Siguro ipapatanggal na n'ya itong lubid na nakatali sa kamay at paa ko.
Hindi niya ako sinagot sa halip ay lumabas siya. Pagbalik niya ay nakasunod na ang dalawa niyang tauhan. Mautak ang gunggong na 'to dahil hindi niya inalis ang tali sa aking paa sa halip ay pinabuhat niya ang upuan kung saan ako nakaupo. Habang buhat nila ako at naglalakad palabas ay pasimple kong sinuri ang lugar. May kutob akong nasa isang rest house kami ngayon. Malapad ang hallway na dinadaanan namin at may tatlong pinto, kasama ang pinto ng kwarto kung nasaan ako kanina. Siguro ay nasa pangalawang palapag kami dahil may natanaw akong hagdan pababa. Tumigil kami sa isang pinto at mula sa pintong ito ay may kasunod pang pinto na malapit sa hagdan. May lumabas na lalaki at armado
