MAINGAT kong binendahan ang aking bewang habang nakatingin sa salamin. Hindi naman siguro mag-iisip si Mel na itaas itong sweater ko, kung maisipan niya nga itong gawin ay may sando pa naman akong panloob. Ganunpaman kailangan kong mag-ingat dahil makirot pa rin ang aking sugat.
Habang inaayos ang pagbalot ng benda sa aking tagiliran ay hindi ko naiwasan ang ngumiti. Naisip ko kanina ang mukha niya, halata ang kanyang pag-aalala. Sa mga araw na hindi ko siya nabantayan ay hindi ako nakatulog ng maayos o maski ang kumain. Ito marahil ang dahilan kaya bahagya akong pumayat . Hindi ko rin mapilit ang sarili kong magalit sa kanya dahil sa ginawa niyang pagbaril. Mas lamang sa akin ang protektahan siya lalo pa't papalapit na ang pagdating ni Dave.
Bumaling ako ng tingin sa aking cellphone na
