Nagmamadali si Green sa pag-uwi nito kinabukasan dahil babalik pa siya ng hospital. Malalaman na nila ang final result ng CT- scan sa ulo ni Hunter. Ngunit bago pa umuwi si Green ay dumaan muna ito sa chapel ng hospital at taimtim na nanalangin. Dinalaw din niya ang kwarto kung nasaan si Jacob, parehong naulit ang CT- scan ng dalawa dangan lamang at magkaibang parte sa kanilang katawan. Panatag naman ang loob ni Green sa iniwang anak dahil alam niyang hindi ito pababayaan ng mga taong nasa Mansyon.
"Green," mula kung saan ay sumulpot si Arthur.
Mabilis na nilingon ni Green ang pinanggalingan ng boses ni Arthur.
"Arthur?" nakakunot-noong tanong nito.
Lumapit naman si Arthur pero bigla itong hinarang ng tatlong bodyguard ni Green.
"Okay lang kilala ko siya, kababata ko." Sabi naman ni G
