Muling nagkamalay si Green, pagmulat ng kanyang mga mata ay nasa hospital na siya.
"Inay," mahina nitong tawag kay Aling Gina na nakayukyok ang ulo sa gilid ng kama.
Niyugyog pa ito saglit ni Green upang magising, agad namang nagmulat ang Ginang.
"Kumusta na ang pakiramdam mo anak?" agad na tanong ni Aling Gina pagkakitang gising na si Green.
"Okay naman po pero hindi nawala ang kabang nararamdaman ko." Matapat na sagot ni Green.
"Hayyy...ilang oras ka ring nawalan ng malay pinakaba mo ako." Wika ng Ginang at umayos na ito nang upo.
"Ano raw ho ang sabi ng Doktor Inay? Labas na po tayo gusto ko nang lumuwas ng Manila." wika ni Green.
"Wala namang sinabi ang Doktor, baka raw masyadong kang stress. Okay naman lahat ng test na ginawa sa'yo pati laboratory test mo." Tugon ng Ginang at i
