HINDI pa rin ako makapaniwala na kasama ko ngayon sa iisang sasakyan si Godfrey. Gusto kong tanungin si ate Lennore kung bakit siya ang driver namin ngayon?
Naiilang na tuloy ako.
“Hey, Godfrey, ang tingin ay sa harapan lamang. Baka ma-accident tayo. Isusumbong kita kina dad and daddy, also to mom!” strict na sabi ni ate Lennore kay Godfrey.
“Tsk!”
“Hey, I heard that! Gawin mo ang work mo as a driver. Ginusto mo naman iyan, right?” saad pa ni ate Lennore.
Napakunot ang aking noo dahil sa sinabi ni ate Lennore. Ginusto niya? Ginusto niyang maging driver ni ate Lennore ngayon? Anong nakain ng isang ito? Eh, ayaw nga niya maging driver, lalo na sa mga naging ex-girlfriend niya ayaw na ayaw niyang nagda-drive, lalo na kapag nagpapahatid ang mga iyon sa kanya.
Naalala ko tuloy kahapon.
