HINDI talaga makatitiis si Andrew na hindi sila magkasama ni Malia. Lalo siyang nahihirapan na makita itong nag-e-enjoy sa kasamang ibang lalaki. Tumambay siya sa beachfront lobby ng conference room. Busy pa ang iba sa taping at rehearsal. Nagkakabisado siya ng kaniyang mga linya at mayamayang nadi-distract ng mga kaluluwang gumagala.
Si Tyron lang ang malapit sa kaniya dahil gumala ang dalawang babaeng alalay niya. Pinapanood ni Tyron si Malia na kaeksena si Jerom at ibang cast. Kinabukasan pa naman ang eksena niya kaya may oras pa siyang magkabisa ng ibang linya.
Lumuklok siya sa sofa na yare sa ratan at nakaharap sa karagatan. Hanggat hindi niya kinikibo ang mga multo, hindi mapapansin ng mga ito na nakikita niya ito.
Mamaya ay bumalik sa kaniya si Tyron. Lumuklok ito sa tabi niya a
