LATE nang napansin ni Andrew na sumama pala sa kanila sina Tyron at Ania. Nakapuwesto ang mga ito sa backseat. Maaring napansin na ni Malia ang replika ni Tyron kaya gumilid sa tabi ng bintana ang kaibigan niya. Hindi naman makikita ni Malia ang replika ni Ania. Hindi niya akalaing sasama ito sa kanila.
“Hindi ka na dapat sumama, Ania,” sabi ni Tyron sa katabi.
“Why not? Deserve ko ring mamasyal, no. Hindi na nga ako nakasama sa Palawan dahil pinamanmanan mo sa akin si Megan. And now, she’s back to the US, so, it’s my vacation too,” mataray na buwelta ni Ania, nakatikwas pa ang isang kilay.
“Manggugulo ka lang sa plano namin ni Andrew.”
“Hey! I know your plan and I love it. Andrew will go to propose marriage to Malia, right?”
“Right, and I don’t want to ruin it.”
“Hindi naman ako man
