“KAYA PALA ganoon mo na lang ako tratuhin.” Mapait na ngumisi si Ken habang patuloy na tumutulo ang luha sa kaniyang mga mata. Mas lalo niyang ikinuyom ang kamao. “Nagbabayad ka lang pala ng utang na loob dahil sa masamang ginawa mo sa lolo ko.”
“Ipinagpatuloy ko ang kabutihan sa ‘yo, at pagbibigay ng pera sa ‘yo buwan-buwan.”
“Sa tingin mo ba sapat na ‘yong kabayaran para sa buhay ng lolo ko at sa paghihirap sa buhay ng lola ko dahil sa kasakiman mo?” Nagngangalit ang kaniyang bagang habang titig na titig sa matanda. “Nang makita ko ang kalagayan mo ngayon, awang-awa ako. Pero salamat sa konsensiya mo’t nagawa ko pang malaman ang katotohanan!” tumaas ang kaniyang boses kasunod ng pagpatak ng kaniyang luha. “Bakit ngayon lang Don Inigo? Kung kailan wala na ang lola ko dahil na rin sa p
