DINALA ni Ken si Thoie sa puntod ng kaniyang lola na si Mameng. Nakatulala lamang siya roon at hindi magawang magsalita. Masakit isipin ang mga nangyari. Nang mawala ito ay wala siyang nagawang sisihin kung hindi ang kaniyang sarili dahil sa kapabayaan. Ang lola niya ang pangunahing dahilan kung bakit siya napunta sa mansion ng mga Damien at kung bakit niya tinanggap ang perang inialok sa kaniya ni Don Inigo. Ito ang dahilan ng lahat. Sa pagnanais niyang mabuhay pa ito nang mahaba, tila ito pa ang naging dahilan kung bakit napaaga ang pagkawala ng kaniyang lola. Dahil sa kaniyang nalaman ngayon ay lubos-lubos ang kaniyang pagsisisi. Ngunit hindi niya malaman kung nararapat nga ba siyang magsisi sa mga naunang desisyon, dahil ang tanging magandang bagay na nangyari sa kaniyang buhay simula
