NANG MAKARATING sila sa mansion ay walang naabutan si Ken at Thoie kung hindi si Elijah at ilang tapat na tauhan ni Don Inigo, na siyang kasama nila nang mabaril siya ng bala sa likuran. “Umalis na silang lahat nang malamang tumakas si Ysabel,” wika ni Jake, isa sa kasamahan ni Elijah na nagbabantay noon kay Don Inigo. Pagdating sa mansion ay wala na ang ilang mga kasambahay at ilan pang securities ng mansion. They’re all gone, just like Ysabel. “Halos lahat sila ay nagsunod-sunuran kay Ysabel. Tiyak na may ipinangako si Ysabel sa kanila kung kaya’t nagawa ang mga ito.”
“Kung ano man ‘yon tiyak na pera na makukuha nila sa oras na mawala ako.” Napailing si Thoie at pabagsak na naupo sa mahabang sofa. “Nabigo silang lahat, hindi nila ginalingan.” Ngumisi ito at tumingin sa nobyong kanina pa
