HINDI NAGLAHO ang init sa pagitan ni Thoie at Amanda sa tuwing magkakasalubong sila sa loob ng mansion ngunit nag-iiwas na lamang ng tingin si Thoie dahil pagod na ito sa pakikipagtalo. Ngayong araw ay hindi naman siya inasar at inabala ni Amanda kung kaya at labis ang kaniyang pagtataka. Pakiramdam niya ay may balak itong gawin na hindi maganda. Sinabi niya kay Ken ang tungkol doon ngunit ikinakibit lamang ng balikat ng lalaki. Pareho pa rin silang nakikiramdam sa loob ng mansion. Sa parte ni Ken ay batid nitong may galit ang ilang kasamahan sa pagiging bodyguard noon dahil sa kakaibang trato rito ng mga Damien.
Tuluyang pinaalis ni Thoie ang dalawang kasambahay nang hindi hinihingi ang panig ng mga ito. Hindi bato ang kaniyang puso upang hindi maawa sa dalawa ngunit ito na ang kaniyang
