HABANG nasa pamamasyal sa loob ng super market sina Thoie at Ken, ay hindi mapakali ang dalaga. Simula nang lumabas sila ng hospital ay kanina pa nito nararamdaman na animo ay mayroong nakasunod sa kanila ng nobyo. Sinubukan niyang aliwin si Ken sa loob ng mall. Ang buong akala niya, sa oras na sila ay mag-aliw mawawala ang pakiramdam na tila sila ay binabantayan ngunit hanggang sa pamimili ay tila hindi sila nilubayan. Hindi rin maganda ang kutob ng kaniyang dibdib. Ito ang unang pagkakataon na naramdaman niya ito. Lumilinga-linga siya sa tabi-tabi, nagbabakasakaling masasagot ang agam-agam na nararamdaman.
“Namumutla ka pa rin, talaga bang ayos ka lang?” nag-aalala ang tono nito at hinawakan ang nanlalamig niyang kamay. Hindi niya alam kung ito ba ay dahil lamang sa malamig na klima ng
