“ANO BANG sinasabi mo, Ken?” Nag-irap ng mga mata si Thoie, ngunit may parte sa kaniyang isip na nais marinig ang sasabihin ng nobyo.
“Thoie, hindi sila masamang tao. Ginusto lang ni Amanda ng magandang buhay para sa anak niya, pero si Cailey? Hindi ko siya nakitaan nang paghahangad sa pera n’yo. Sinusunod niya lang ang iniuutos ng kaniya mama. Ano man ang nagawa nila o sigalot na namamagitan sa inyo, kapatid mo siya.” Malalim na naghugot ng hininga ang lalaki at hindi inalis ang mga matang nakatitig sa kaniya. “Ang ginawa nilang pag-alis ay isang bagay na nakapagpatunay nang hangarin nila.”
Hindi nabago ang nakalukot niyang mukha. “Eh, paano kung may dahilan lang kaya sila umalis at bukas ay babalik din? May sira sa ulo si Amanda.”
“Thoie, naman.” Marahang pinisil nito ang kaniyang
