Pag-upo ko sa tabi ng bintana ay sinilip ko pa ang pinsan kung si Ludwig sa labas. Nandoon pa rin siya at nakatingin sa akin. Kinawayan ko siya saktong pag-usad ng bus at kumaway siyang muli habang nakangiti. Bago siya nawala sa paningin ko ay sumenyas pa siyang tumawag raw ako.
Pinsan ko siya sa mother side. Isa sa mga kababata ko at kalaro noon. Mas matanda siya sa akin. Medyo magkalapit lang sila ni kuya ng edad pero single pa. Magpapayaman muna raw siya kaya puro trabaho ang inaatupag. Marami akong pinsan sa totoo lang at karamihan halos ay may puso para sa bayan. Mga interesado sa pulitika. Nasa lahi yata dahil kahit mga lolo at lola namin noon ay may naging posisyon sa bayan. Kung hindi konsehal, kagawad. Pinakamataas na naabot na posisyon ay isa sa lolo na namin na naging Mayor, s
