Nakabalik na kami sa kanila. Tinirhan niya ako ng mineral water panghugas ko raw ng aking mga paa. Siya pa nagbuhos niyon at dahil sayang ay wala na akong nagawa. Pero nasayangan talaga ako sa tubig. Alam ko kasi pakiramdam na halos makipag-agawan noong natapos ang bagyo. Hindi kasi pwedeng mainom iyong nasa gripo dahil kulay putik. Pati iyong nasa mga poso kaya pinagbawalan ang mga tao dahil marami rin ang nagkasakit. Iba talaga kapag aktwal mong naranasan ang mga bagay. Kahit gaano kaliit na halaga mahalaga.
Ngayon nasa kusina ako at inaayos ang mga lulutuin. Magpapalit muna raw siya ng damit at babalikan ako sa kusina pagkatapos. Sana nga 'wag na siyang bumalik dahil tiyak naman akong wala naman siyang maitutulong sa akin dito.
Sosyalin ang kusina nila. Induction stove ang lutuan. To
