Sa silong ng isang puno huminto si Amir. Sumunod sa kaniya si Lucy. Umalis na ang dalawang guwardiya at pabalik na sa kanilang guard house bago pa madiskubre at mapagalitan ng kaniyang among si Giovanni. Pumihit ang matandang butler paharap sa babae at nang nasa sapat na distansya na ito upang magkarinigan sila sa kanilang pag-uusapan ay saka lamang iyon huminto sa paglalakad.
Tinignan siya ni Amir. Hinihintay niya itong magsalita. Nagbago ang ekspresyon sa mukha ng ginang. Ang kaninang mistulang mabangis at palaban na itsura nito ay mabilis na naging parang maamong tupa. Halata tuloy na may kailangan nanaman ang ginang sa kaniya.
Ilang beses na kasi nitong sinubukang konatakin siya. Nakikiusap na tulungan siyang kumbinsihin ang alaga nitong si Giovanni sa kaniyang nais noon pa tungkol
